بەرپرسێکی باڵای شیعە لەپشت هێرشەکانی حەلبوسییەوەیە بۆ سەر مالیکی
١٥ شوبات ٢٠٢٦ - ١٢:٤٢ پاش نیوەڕۆ
پەنجەرە
محەمەد حەلبوسی سەرۆکی هاوپەیمانی تەقەدوم و فایەق زەیدان، سەرۆکی ئەنجومەنی باڵای دادوەری عێراق لەیەک بەرەدان بۆ دژایەتیکردنی مالیکی.
سەرچاوەیەکی باڵای سیاسی عێراق کە نەیویست ناوی ئاشکرا بکرێت، بە پەنجەرەی ڕاگەیاند: نوری مالیکی و فایەق زەیدان هەردووکیان خاوەنی دەوڵەتی قوڵن لە عێراقدا و پێکەوە نایانکرێت، هەردووکیان لەنێو هەموو دام و دەزگاکاندا خەڵکیان هەیە.
دەشڵێت: مالیکی و فایەق زەیدان زۆر دژی یەکترین، لەکاتێکدا پەیوەندی نێوان حەلبوسی و زەیدان تەواو بەرەوپێش چووە.
بەپێی وتەی سەرچاوەکە، بەشێکی زۆری هێرشەکانی حەلبوسی بۆ سەر مالیکی زەیدانی لەپشتەوەیە.
سەرچاوەکە وتی: مالیکی هیچی پێناکرێت بەرامبەر حەلبوسی چونکە زەیدان پشتگیرییەتی.