کەسایەتییەکی شیعەی عێراق: شەڕی ئیخوانی بەعسی بەسەرکردایەتی تورکیا و بەپارەی قەتەر لە دژی شیعە ئەنجام دەدرێت
٢٨ کانوونی دووەم ٢٠٢٦ - ٤:٣١ پاش نیوەڕۆ
پەنجەرە
دوای رەتکردنەوەی نوری مالیکی لەلایەن سەرۆکایەتی ئەمەریکاوە بۆ وەرگرتنی پۆستی سەرۆکوەزیرانی عێراق، کەسایەتییەکی سیاسی شیعەی عێراق داوای خۆپیشاندانی ملیۆنی دەکات.
ئەیاد جەمالەدین، کەسایەتی سیاسی شیعەی عێراق دەڵێت: پێویستە خۆپیشاندانی ملیۆنی لە بەغدا و شارە گەورەکانی عێراق دژی دەستوەردانی ئەمەریکا لە کاروباری عێراق ئەنجام بدرێت.
دەشڵێت: دەبێت باڵیۆزی قەتەر دەربکرێت و پەیوەندیی لەگەڵ ئەو وڵاتە بپچڕێنرێت.
ئەیاد جەمالەدین ئاماژە بەوەدەکات، شەڕی سونی ئیخوانی بەعسی دژی شیعە ئەنجام دەدرێت، بە سەرکردایەتی تورکیا و بەپارەی قەتەر.