باوکی ئەحمەد شەرع تۆڵە دەکاتەوە؛ حسێن شەرع هێرش دەکاتە سەر نوری مالکی

پەنجەرە

باوکی ئەحمەد شەرعی سەرۆکی سوریا، هێرش دەکاتە سەر نوری مالکی کاندیدی چوارچێوەی هەماهەنگی بۆ پۆستی سەرۆکوەزیران و دەڵێت، سەردەمی حوکمڕانی مالکی لەعێراق کارەسات بووە و بەرهەمی حوکمڕانییەکەی کوشتن و تیرۆر بووە.

حسێن شەرع، باوکی ئەحمەد شەرعی سەرۆکی سوریا، لە پۆستێکدا کە کەمێک لەمەوبەر لە لاپەڕەی تایبەتی خۆی لە تۆڕی کۆمەڵایەتی فەیسبوک بڵاویکردەوە، دەڵێت: مالکی دەگەرێتەوە بۆ نوێکردنەوەی ئازارەکانی گەلێکی ماندوو بەدەست ئێرانەوە.

دەشڵێت: ئەم پیاوە ( مالکی) سەردەمێک لەسوریا ژیاوە، بەڵام رقی لە سوریایە کە پەنایداوە و خەون بەگەڕانەوەی هەژموونی ئێرانەوە دەبینێت،.

قسەکانی حسێن شەرع باوکی ئەحمەد شەرع لەکاتێکدایە، کاتێک ئەسەد رووخاو ئەحمەد شەرع دەسەڵاتی سوریای گرتە دەست، مالکی هێرشیکردە سەری و رایگەیاند: چۆن دەبێت سوریا بدرێتە دەست  کەسێک بەتۆمەتی تیرۆر لە عێراق زیندانی بووە.