رۆژنامەنوسێکی عەرەب: ئەحمەد شەرع کاتێک سەرۆکی دەستەی تەحریر شام بوو هەماهەنگی ئەمەریکای دەکرد
٢١ کانوونی دووەم ٢٠٢٦ - ١٢:٣٠ پاش نیوەڕۆ
پەنجەرە
رۆژنامەنوسێکی عەرەبی کە لە میدیای فەرەنسا کاردەکات ئاماژەبەوەدەکات، ئەحمەد شەرع ئەوکاتەی سەرۆکی دەستەی تەحریر شام بووە هاوکاری هێزەکانی ئەمەریکای کردووە.
وەسیم ناسر، شارەزای بواری سوریا و رۆژنامەنوسی عەرەب کە بۆ میدیای فەرەنسا کاردەکات، دەڵێت: ئەحمەد شەرع ئەوکاتەی سەرۆکی دەستەی تەحریر شام بووە، هەماهەنگی لەگەڵ ئەمەریکادا کردووە و ڕۆڵی هەبووە لە کوشتنی دوو خەلیفەی داعش دا کە یەکێکیان ئەبوبەکر بەغدادی بووە.
وەسیم ناسر دەڵێت: لەماوەی ساڵی رابردوودا، هێزەکانی ئەحمەد شەرع بۆ ئەنجامدانی 30 کردەی سەربازی لە دژی داعش هاوکاری ئەمەریکایان کردووە.
بەوپێیەی پێشتر لەنێو رێکخراوە ئیسلامییە توندڕەوەکاندا بووە، ئەحمەد شەرع سەرکردە ناوەندییەکانی داعش دەناسێت و لەئێستادا ڕۆڵی هەیە لە دەستنیشانکردنی شوێنەکانیان بۆ هێزەکانی ئەمەریکا، تا هێرش بکرێتە سەریان.