ئێران دەرگای هورمزی بەڕووی نەوتی عێراق دا واڵاکرد: میلیشیا شیعەکان هێرشیانکردە سەر ژێرخانی وزەی عێراق
٥ نیسان ٢٠٢٦ - ٨:٣١ پاش نیوەڕۆ
پەنجەرە
لەکاتێکدا ئێران دەرگای گەروی هورمزی بەرووی ناردنە دەرەوەی نەوتی عێراق دا واڵا کرد، هاوکات هێرشی درۆنی بۆ سەر کێڵگە نەوتییەکانی خوارووی عێراق ئەنجامدرا و ئەمەش گومانی بەدوای خۆیدا هێنا.
بەپێی وتەی سەرچاوەیەکی ئاگادار بۆ پەنجەرە، گومان دەکرێت هێرشی سەر کێڵگە نەوتییەکان میلیشیا شیعەکانی لە پشتەوە بێت و بە"ئیعاز"ی ئێران ئەو کارەیان ئەنجام دابێت.
سەرچاوە ئاگادارەکە کە داوایکرد ناوی بڵاو نەکرێتەوە، بە پەنجەرەی ڕاگەیاند: لەلایەک ئێران گەروی هورمز بەڕووی نەوتی عێراق دا واڵا دەکات و لەلاکەی تریش میلیشیاکان هێرش دەکەنە سەر ژێر خانی وزە، ئەمە ئاماژەیە بۆ ئەوەی ئێران جدی نییە لە رێگەدان بە ناردنە دەرەوەی نەوتی عێراق.