بەپلانێکی نوێ عێراق دەیەوێت پارەی "ئیبراهیم خەلیل" لەژێر کۆنترۆڵی هەرێم دەربهێنێت
١٧ کانوونی یەکەم ٢٠٢٥ - ٧:٤١ پاش نیوەڕۆ
پەنجەرە
حکومەتی عێراق داوای جێبەجێکردنی پلانی "گومرگی پێشوەختە" لە دەروازە سنورییەکانی هەرێمی کوردستان دەکات، بەرپرسانی هەرێمیش پێیانوایە جێبەجێکردنی ئەو پلانە "دەروازە سنورییەکان" دەگۆڕێت بۆ شوێنی "پەڕینەوە".
سەرچاوەیەکی باڵا و نزیک لە وەزارەتی دارایی حکومەتی هەرێمی کوردستان، بە پەنجەرەی ڕاگەیاند: بەپێی پلانەکەی عێراق ئەو بازرگانانەی لە دەروازە سنورییەکان بازرگانی دەکەن، دەبێت پێشوەخت گومرگ بخەنە سەر هەژماری بانکی عێراق.
سەرچاوەکە دەڵێت: ئەمە پارەی گومرگ لەژێر کۆنترۆڵی هەرێم دەردەهێنێت و دەروازەکان لە "المنفذ" ەوە دەگۆڕێت بۆ "المعبر"، ئیشی دەروازەکان تەنها دەبێتە وردبینی کاڵا و شمەکە هاوردەکراوەکان.
جەختیکردەوە: هەرێم تا ئێستا بە جێبەجێکردنی ئەم پلانە ڕازی نییە، پارتی پێیوایە ئیبراهیم خەلیل تەنها دەروازەیە لەگەڵ تورکیا و عێراق ناچار دەبێت بە پلانەکەیدا بچێتەوە.