سکرتێری حزبی شیوعی بۆ پەنجەرە: لایەنەکان لەسەر بەرژەوەندی حزبی و پلە و پۆست ناکۆکن
٩ کانوونی یەکەم ٢٠٢٥ - ١١:٢٣ پێش نیوەڕۆ
پەنجەرە
سکرتێری حزبی شیوعی کوردستان ڕایدەگەیەنێت، پەرتەوازەیی لایەنە کوردییەکان و نەبونی بەرنامەیەکی هاوبەشی یەکگرتوو، پێگەی کورد لە بەغدا لاواز دەکات.
ئەبو کاروان، سکرتێری حزبی شیوعی کوردستان، بە پەنجەرەی ڕاگەیاند: بەغدا لاوازی کورد وەکو دەرفەت دەقۆزێتەوە، چونکە لایەنەکان ناتوانن بە پەرتەوازەیی ئامانجەکانیان بەدیبهێنن و عێراق بەلاوازی مامەڵەیان لەگەڵ دەکات.
دەشڵێت: لایەنەکان لەسەر بەرژەوەندی حزبی و پلە و پۆست ناکۆکن بۆیە ڕێکناکەون.
دوای زیاتر لە ساڵێک لە ئەنجامدانی هەڵبژاردنی پەرلەمانی کوردستان، نە پەرلەمان کاراکراوەتەوە و نە کابینەی نوێی حکومەتی هەرێمیش پێکهێنراوە، ئەمەش بەهۆی ناکۆکی پارتی دیموکراتی کوردستان و یەکێتی نیشتمانی کوردستانەوە.